BREGU PERËNDIMOR | DHJETËRA PALESTINEZË TË ARRESTUAR NGA FORCA MBROJTËSE E IZRAELIT.

Bregu Perëndimor | “Forcat izraelite kanë bastisur të paktën 15 lokacione në Bregun Perëndimor verior në orët e fundit, duke arrestuar dhjetëra palestinezë”.

Kështu raportoi enti mediatik katarez “Al Jazeera”, duke cituar informacione nga korrespondentët e saj në zonë.

Sulmet e IDF-së u raportuan pasi kryeministri Benjamin Netanjahu njoftoi dje një bllokadë totale të territorit pas një sulmi në Hebron në të cilin u vranë dy ushtarë izraelitë.

Sipas transmetuesit arab, ushtria bastisi të paktën 15 qytete në Bregun Perëndimor verior, përfshirë Nablusin dhe Jeninin.

“15 persona u arrestuan në guvernatoratin e Nablusit, nëntë prej tyre në qytetin e Nablusit dhe gjashtë në fshatin Burin.

Dy arrestime të tjera u bënë në guvernatoratin e Betlehemit”.

Kështu raportoi agjencia vendore e lajmeve “Wafa”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit