BISEDIMET PESË-KOMBËSHE TË MESDHEUT LINDOR NUK DUKEN SE JANË TË LEHTA.

Athinë, Greqi | Propozimi i Kryeministrit grek Qirjakos Micotaqis (Kyriakos Mitsotakis) për bisedime pesë-kombëshe mbi çështjet e Mesdheut Lindor, me qëllimin përfundimtar arritjen e një marrëveshjeje mbi përcaktimin e zonave detare dhe përfundimin e marrëveshjeve dypalëshe kontradiktore, ende nuk është pranuar nga asnjëra prej palëve të synuara (Qipro, Egjipti, Libia, Turqia).

Por as nuk është refuzuar ende.

Propozimi i zuri në befasi dy vendet të cilave iu paraqit, Qipron dhe Turqinë, javën e kaluar.

Ministri i Jashtëm turk Hakan Fidan nuk reagoi, as pozitivisht, as negativisht, ndaj propozimit të homologut të tij grek, Jorgo (George) Gerapetritis.

Presidenti qipriot Nikos Kristodhulidhes (Christodoulides), i informuar nga Kryeministri Micotaqis (Mitsotakis), ishte skeptik në lidhje me aftësinë e Greqisë për të tërhequr të gjitha kampet në tryezën e negociatave.

Pengesa kryesore për takimin janë refuzimi i vazhdueshëm i Turqisë për t'u angazhuar në bisedime me Republikën e Qipros dhe ndarja e Libisë midis dy qendrave të pushtetit.

Ministria e Jashtme planifikon të ecë përpara me katër pikat e lehta të rendit të ditës (bashkëpunimi për migracionin, mbrojtja e mjedisit, lidhja energjetike dhe mbrojtja civile) përpara se të trajtojë zonat detare.

Greqia shpreson që nevoja e Turqisë për të marrë pjesë në programin e financimit SAFE të Bashkimit Evropian për industritë e mbrojtjes do ta çojë atë në tryezën e negociatave.

Ajo gjithashtu po mbështetet në ndërhyrjen e ShBA-ës për ta shtyrë Turqinë drejt bisedimeve.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit