AUTORJA JUGKOREANE HAN KANG FITOI ÇMIMIN NOBEL PËR LETËRSI PËR PROZËN E FUQISHME POETIKE QË KONFRONTON TRAUMA HISTORIKE DHE SHPËRFAQ BRISHTËSINË E JETËS NJERËZORE.

Stokholm, Suedi | Autorja jugkoreane Han Kang fitoi Çmimin Nobel për Letërsi për prozën e fuqishme poetike që konfronton trauma historike dhe shpërfaq brishtësinë e jetës njerëzore.

“Ajo e ka një vetëdije unike për lidhjet në mes të trupit dhe shpirtit, jetës dhe vdekjes, dhe stili i saj poetik dhe eksperimental është bërë inovator në prozën bashkëkohore”, tha z. Anders Olsson, udhëheqës i Komitetit të Nobelit, përmes një deklarate.

Znj. Han Kang, jugkoreanja e parë që fiton Nobelin për Letërsi, e ka nisur karrierën në vitin 1993 me botimin e disa poemave, ndërsa me prozë ka debutuar në vitin 1995, me “Love of Yeosu”.

Njohjen ndërkombëtare e fitoi me novelën “The Vegetarian”.

Vitin e kaluar me këtë çmim është nderuar shkrimtari dhe dramaturgu norvegjez, Jon Fosse.

Çmimi Nobel ka vlerën e rreth 1.1 milion $.

Ky çmim, që ndahet për arritje në shkencë, letërsi dhe paqe, është krijuar me dëshirën e shpikësit të dinamitit, suedezit, Alfred Nobel.

Këto çmime ndahen prej vitit 1901.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit