ASAMBLEJA PARLAMENTARE E NATO-s MIRATOI REKOMANDIMIN PËR AVANCIM TË STATUSIT TË REPUBLIKËS SË KOSOVËS NGA ANËTARE VËZHGUESE NË ANËTARE TË ASOCUAR.

Sofje, Bullgari | Asambleja Parlamentare e NATO-s miratoi rekomandimin për avancim të statusit të Kosovës nga anëtare vëzhguese, në anëtare të asocuar.

Shumica e vendeve votuan pro, një votë ishte kundër, ndërsa 14 vende tjera kanë abstenuar - në takimin e Asamblesë - që po mbahet në Sofje të Bullgarisë.

Një ditë më parë delegacioni i Parlamentit të Serbisë, ka kërkuar përmes një letre që Kosovës të mos i avancohet statusi.

Asambleja Parlamentare e NATO-s është institucionalisht e ndarë nga NATO-ja, por shërben si një lidhje e rëndësishme mes NATO-s dhe parlamenteve të vendeve anëtare.

Ajo përbëhet nga 281 delegatë nga të 32 vendet anëtare të NATO-s.

Përveç tyre, në aktivitete të saj marrin pjesë edhe delegatë nga 9 vende të asocuara, 4 vende të asocuara mesdhetare, si dhe 8 delegacione vëzhguese parlamentare.

Anëtarët e asocuar mund të paraqesin rezoluta dhe ndryshime në rezoluta.

Gjithashtu, mund të shërbejnë si raportues të posaçëm (specialë) të asocuar në komitete, për të paraqitur perspektivat e tyre në raportet NATO-Asamble Parlamentare.

Megjithatë, ata nuk kanë të drejtë të votojnë për raportet, rezolutat apo udhëheqjen e Asamblesë dhe as nuk kontribuojnë në buxhetin e saj.

Aktualisht, anëtare të asocuara janë nëntë - në mesin e tyre edhe Serbia dhe Bosnje e Hercegovina.

Kuvendi i Republikës së Kosovës prej vitesh është delegacion vëzhgues me dy ulëse.

Tani, me avancimin e statusit do të mund të zgjerohet edhe delegacioni pjesëmarrës i Republikës së Kosovës.

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit

Want to read more?

Subscribe to 007vox.com to keep reading this exclusive post.

Subscribe Now