ARMENIA ËSHTË BËRË QENDRA E TREGUT TË ZI ME VLERË MILIONA $ TË DIAMANTEVE TË PRODHUAR NË RUSI TË CILËT PËRMES SAJ SHITEN NË BASHKIMIN EVROPIAN DHE NË SHBA-ës.

Moskë, Federata Ruse | Rusia po u shet vendeve perëndimore diamante të sanksionuara me vlerë qindra miliona dollarë përmes një qendre në Armeni.

Diamantet ruse vazhdojnë të arrijnë në tregjet e Bashkimit Evropian dhe ShBA-ës, pavarësisht sanksioneve të G7-ës dhe BE-së kundër Alrosa-s - prodhuesit më të madh të Rusisë dhe një nga liderët globalë në industri.

Siç është zbuluar nga OCCRP dhe media evropiane, Armenia është bërë qendra kryesore e tranzitit për anashkalimin e kufizimeve, me gurë të çmuar me vlerë qindra miliona dollarë.

Autoritetet evropiane pranojnë se gjatë procesit të prerjes, diamantet shpesh humbasin informacion në lidhje me origjinën e tyre.

Mjeti kryesor i skemës ishte themelimi i Kompanisë së Parë të Diamanteve (FDC) në Rusi në muajin maj të vitit 2022.

Formalisht, ajo është e pavarur nga Alrosa, por pronarët dhe menaxherët e saj të lartë janë të lidhur ngushtë me kompaninë shtetërore.

Që nga fundi i vitit 2022, FDC-ja ka eksportuar në mënyrë aktive diamante në Armeni.

Sipas OCCRP-së, gati gjysma e të gjitha diamanteve të importuara në vend janë me origjinë ruse.

Vetëm nga janari 2023 deri në mars 2024, FDC-ja eksportoi diamante me vlerë më shumë se 290 milion dollarë.

Bashkimi Evropian ka vendosur 18 paketa sanksionesh kundër Rusisë për të ushtruar presion mbi Presidentin Putin.

Por Kremlini po gjen mënyra për të anashkaluar kufizimet.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit