ARGJENTINË | QERVERIA E PRESIDENTIT JAVIER MILEI SYNON TË PRODHOJË 1.5 MILION FUÇI NAFTË NË DITË.

Buenos Aires, Argjentinë | “Kemi kohë që themi se me fushën Lopa e Ngordhur (Vaca Muerta), Argjentina është e aftë të prodhojë deri në 1.5 milion fuçi naftë të papërpunuar në ditë, dhe tani po i afrohemi kësaj”.

Kështu tha tha z. Ernesto Lopez Anadon, në një fjalim para një audience që përfshinte udhëheqës kryesorë të industrisë dhe medias argjentinase dhe ndërkombëtare - gjatë drekës tradicionale që shënonte Ditën Kombëtare të Naftës.

Aktualisht, vendi prodhon afërsisht 860000 fuçi në ditë, një shifër që tashmë përfaqëson një rekord, por që - sipas një studimi prospektiv të kryer nga Iapg - mund të dyfishohet dhe të jetë tërësisht e destinuar për eksport.

“Do të jetë e nevojshme të shpohen të paktën 1000 puse në vit, përveç ndërtimit të objekteve dhe infrastrukturës së re. Po flasim për investime në rangun e 20-30 miliardë dollarëve në vit”, shtoi z. Anadon, duke theksuar se arritja e këtij qëllimi do të kërkojë fonde ndërkombëtare dhe një kuadër të përshtatshëm ligjor dhe tatimor.

Lidhur me këtë të fundit, z. Daniel González, Nënsekretar i Energjisë në qeverinë e Presidentit Milei, siguroi se ekzekutivi po përgatit një zgjerim të Regjimit Special për Investime të Mëdha (RIGI) për të përfshirë sektorin e naftës dhe gazit në rrjedhën e sipërme.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit