VILA E MISHEL (MICHEL) PLATINIT U GRABIT NGA MASKAT | I MORËN MEDALJET DHE TROFETË.

Paris, Francë | Një surprizë e pakëndshme për legjendën e futbollit Mishel (Michel) Platini.

Vila e fituesit tre herë të Topit të Artë në Kasis (Cassis), në jug të vendit, u grabit, duke u vjedhur medalje dhe trofe të shumta.

Fillimisht i raportuar nga radio “RTL”, lajmi u konfirmua nga burime të njohura me hetimin, të cituara nga “Agence France Presse”.

Sipas burimeve, ish-numri 10 i Equipe de France (72 ndeshje për ekipin kombëtar midis viteve 1976 dhe 1987) dëgjoi zhurma herët këtë mëngjes në kopshtin e tij në Kasis (Cassis).

Ish-presidenti shtatëdhjetëvjeçar i UEFA-s u gjend përballë një burri me kapuç të veshur me të zeza, i cili, menjëherë iku me disa çmime sportive, kryesisht trofe, kupa dhe medalje.

Hetimi i është besuar Brigadës së Kërkimeve Aubagne.

Fitues tre herë i Topit të Artë (1983, 1984, 1985), Platoche - siç njihet në Francë - gjithashtu hyri në histori për krijimin e një çifti kampionësh me Juventusin në vitin 1985.

Me ekipin kombëtar francez, i të cilit ai ishte edhe trajner, Platini ishte kampion evropian në vitin 1984 dhe arriti dy herë në gjysmëfinalet e Kupës së Botës (1982 dhe 1986).

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit