REPUBLIKA FEDERATIVE E BRAZILIT | FENOMENI EL NINO PRITET T’I RRISI ÇMIMET E USHQIMEVE ME 20%.

Brasilia, Republika Federative e Brazilit | “Efektet klimatike të fenomenit El Nino (Niño) mund të rrisin ndjeshëm çmimet e ushqimeve në Brazil, me rritje deri në 20% për disa produkte të freskëta dhe një ndikim në inflacionin e përgjithshëm që mund të kalojë 0.8 pikë përqindjeje”.

Kjo u kumtua nga një studim i Rabobank-ës, i botuar nga enti mediatik “G1”, i cili vlerëson se efektet e goditjeve klimatike mund të arrijnë kulmin brenda gjashtë muajve.

Në rast të një El Nino të fortë, çmimet e ushqimeve të freskëta, siç janë mishi dhe perimet, mund të rriten deri në 19.9% ​​​​në krahasim me të njëjtën periudhë të vitit të kaluar, ndërsa shpenzimet e familjeve për ushqim do të rriteshin me 6.32%.

Efekti i përgjithshëm mund t’i shtojë afërsisht 0.83 pikë përqindjeje indeksit zyrtar të inflacionit, HICP.

Megjithatë, në një skenar të moderuar, ndikimi i vlerësuar do të ishte rreth 0.41 pikë.

Sipas parashikimeve të fundit, probabiliteti i një El Nino të fortë deri në fund të vitit është rreth 80%.

Ekonomistët besojnë se efektet fillestare mund të përqendrohen kryesisht në perimet dhe produktet e tjera veçanërisht të ndjeshme ndaj ndryshimeve klimatike, duke u shtrirë më pas në misër, kafe, fruta, oriz, grurë dhe kallam sheqeri.

Prodhimi i qumështit mund të ndikohet gjithashtu nga anomalitë e motit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit