VENEZUELË | TË AFËRMIT E TË BURGOSURVE POLITIKË PROTESTUAN PËRPARA BURGUT HELIKOIDE DUKE I KËRKUAR REGJIMIT ÇAVISTO-KOMUNIST LIRIMIN E TYRE.

Karakas, Venezuelë | “Dhjetëra të afërm dhe miq të udhëheqësve të opozitës venezueliane, mbrojtësve të të drejtave të njeriut dhe të tjerëve të ndaluar për aktivitetet e tyre politike protestuan jashtë burgut Helikoide (Helicoide) në Karakas për të kërkuar lirimin e tyre të menjëhershëm”.

Kështu raportoi agjencia amerikane e lajmeve “AP”.

Demonstrata vjen mes presionit në rritje mbi qeverinë e Presidentes së përkohshme Delsi (Delcy) Rodriguez për të liruar të gjithë të ndaluarit për bindjet e tyre politike.

Muajin e kaluar, qeveria e saj njoftoi se do të lironte një numër të konsiderueshëm të burgosurish, por familjet dhe vëzhguesit e të drejtave të njeriut kritikuan autoritetet për ritmin e ngadaltë të lirimeve.

Në janar, presidentja e përkohshme premtoi gjithashtu të mbyllte burgun Helikoide (Helicoide), ku tortura dhe forma të tjera të abuzimit fizik dhe psikologjik të të burgosurve janë dokumentuar gjerësisht.

Ajo deklaroi se objekti, i ndërtuar fillimisht si një qendër tregtare, do të transformohej në një qendër kulturore, sociale dhe sportive për forcën policore.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit