REPUBLIKA FEDERATIVE E BRAZILIT | PRESIDENTI LUIZ INACIO LULA DA SILVA: PËR VENEZUELËN ËSHTË PRIORITET DEMOKRACIA JO KTHIMI I ISH-PRESIDENTIT NIKOLAS (NICOLÁS) MADURO.

Brasilia, Brazil | Presidenti brazilian Luiz Inacio Lula da Silva ka deklaruar se prioritetet e Venezuelës janë rimëkëmbja ekonomike dhe forcimi i demokracisë, jo kthimi i ish-Presidentit Nikolas (Nicolás) Maduro, i cili, ndodhet në Shtetet e Bashkuara të Amerikës që nga 3 janari pasi u kap nga forcat e posaçme amerikane i akuzuar për narko-terrorizëm.

Në një intervistë me portalin “UOL”, Presidenti Lula deklaroi se shqetësimi i tij kryesor nuk është të bëjë diçka për rikthimin e ish-Presidentit Maduro dhe bashkëshortes së tij në Venezuelë, por, përkundrazi, të krijojë kushtet politike dhe ekonomike për stabilizimin e qëndrueshëm të vendit.

“Shqetësimi kryesor është ky; a ka ndonjë shans për të forcuar demokracinë në Venezuelë? Dhe për t'i lejuar popullit venezuelian, 8.4 milionë që janë jashtë, të kthehen në vend? A janë kushtet që demokracia të respektohet në mënyrë efektive në Venezuelë”, pyeti Presidenti Lula.

“Ajo që është në lojë është nëse mund të krijojmë vende pune, nëse PDVSA do të kthehet në prodhimin e 3.7 milionë fuçive në ditë”, tha ai.

Diku tjetër, Presidenti Lula theksoi nevojën për të ruajtur paqen rajonale.

“Amerika e Jugut është një zonë paqeje; ne nuk kemi bomba atomike apo armë bërthamore.

Ajo që duam është të rritemi ekonomikisht, të forcojmë procesin demokratik dhe të përmirësojmë jetën e miliona latino-amerikanëve. Amerika Latine nuk mund të mbetet e varfër”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit