VAJI I ULLIRIT DHE ROMAKËT.

Romë, Itali | Romakët dhanë një kontribut të rëndësishëm, në atë që është vaji i ullirit sot, duke përsosur teknikat e kultivimit dhe transportit të tij. Ata konsumuan sasi të mëdha ullinjsh, dhe vaj ulliri, nga rajoni Baetica i Spanjës (Andaluzia e sotme). Në fakt, vaji nga Spanja ishte më i çmuari në perandori për cilësinë e tij të lartë. Vlerësohet se Spanja eksportoi më shumë se 30 milionë kontejnerë vaj ulliri gjatë kësaj periudhe, mijëra prej të cilave u dërguan në kryeqytetin perandorak, Romë. Mbetjet e shumë prej anijeve në të cilat transportohej vaji u zbuluan në fund të shekullit të 19-të pas Krishtit, kur shkencëtari italo-prusian Heinrich Dressel i zbuloi ato të varrosura në një kodër romake. Duke hetuar origjinën e tyre, ai zbuloi se banorët e asaj kohe hodhën enët boshe nga Baetica në bregun e majtë të lumit Tiber. Fragmentet, së bashku me dheun që ishte grumbulluar me kalimin e kohës, formuan kodrën që sot njihet si Testaccio. Gjatë Mesjetës, vaji i ullirit përdorej shpesh për të bërë sapun në Spanjë, dhe në Francën fqinje. Nuk është për t'u habitur që ai kishte shumë përdorime, të tilla si karburant për të ndriçuar shtëpitë ose një përbërës në kozmetikë. Por, përdorimi kryesor i tij, ishte dhe mbetet për qëllime ushqimore. Vaji i ullirit, qoftë ekstra i virgjër, i virgjër apo thjesht ulliri, është i përsosur për çdo recetë.Më vonë, në shekullin e 19 pas Krishtit, kultivimi i vajit të ullirit u zgjerua në Spanjë, falë ndërtimit të rrjetit hekurudhor. Falë kësaj mënyre të re transporti, vendi u bë kopshti më i madh i ullirit në botë. Në shekullin e 20-të pas Krishtit, një revolucion teknologjik në Spanjë bëri të mundur prodhimin e vajit të ullirit me cilësi edhe më të lartë, i cili, vit pas viti fiton garat më prestigjioze të botës.Sot Spanja është lider botëror në sasinë dhe mbi të gjitha cilësinë e vajit të ullirit. Nga z. Erton Duka. © Copyright | Agjencia Telegrafike Vox Ne të njohim me botën | www.007vox.com | Burimi yt i informacionit