URA E KRIMESË U MINUA ME 1100 KG LËNDË PLASËSE.

Kiev, Ukrainë | Sipas SBU-së, operacioni për të synuar urën zgjati disa muaj.

Së pari, agjentët minuan shtyllat e strukturës dhe në orën 04:44 sipas orës vendore, u aktivizua pajisja e parë shpërthyese.

Gjatë shpërthimit, mbështetëset nënujore të nivelit të poshtëm u dëmtuan rëndë - pretendojnë ukrainasit - duke specifikuar se përdorën 1100 kg eksploziv për sulmin.

Ashtu si në sulmet e mëparshme - në tetor 2022 me një kamion-bombë dhe në korrik 2023 me dronë detarë - edhe këtë herë, autoritetet ruse e mbyllën urën për trafik për disa orë, përpara se ta rihapnin atë në fund të pasdites.

Duke pretenduar operacionin, Kievi donte t’i komunikonte Moskës se nëse dëshiron të vazhdojë luftën, forcat ukrainase do të përgjigjen me forcë, siç është demonstruar tashmë nga mega-operacioni që të shtunën çoi në shkatërrimin e 41 avionëve ushtarakë rusë, përfshirë bombardues strategjikë, deri në Siberi.

Qëllimi i qeverisë së presidentit Zelenski është të minojë aftësinë e Rusisë për të goditur qytetet ukrainase që mbeten nën sulm.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit