U ARRESTUA “EL MAYO”: SË BASHKU ME EL ÇAPON (SHKURTABIQIN) THEMELUAN KARTELIN E SINALOA-s.
Teksas, Amerikë | Bashkëthemeluesi i kartelit Sinaloa, Ismael Zambada Garsia (Garcia) dhe Zhoakin (Joaquin) Guzman Lopez, djali i El Çapos (Chapo), janë arrestuar nga autoritetet amerikane.
Z. Garsia (Garcia) njihet si “El Majo” (El Mayo).
Të dy ndodhen në paraburgim amerikan në Shtetet e Bashkuara pasi u arrestuan në El Paso, Teksas.
“El Maio” dhe z. Guzman Lopez i bashkohen listës së gjatë të udhëheqësve të Kartelit Sinaloa që Departamenti amerikan i Drejtësisë i mban përgjegjës për udhëheqjen e një prej organizatave më të fuqishme dhe më të gatshme të trafikut të drogës në botë.
Fentanili është droga më vdekjeprurëse që ka kërcënuar ndonjëherë vendin dhe Departamenti i Drejtësisë nuk do të pushojë derisa të ndalohet çdo udhëheqës karteli përgjegjës për helmimin e komuniteteve.
El Maio themeloi kartelin Sinaloa së bashku me El Çapon (Chapo), por, ndryshe nga ai, ai nuk kishte qenë kurrë në burg.
Z. Guzman Lopez është djali i El Çapos (Chapo) dhe është në krye të kartelit së bashku me vëllezërit e tij pasi babai i tyre u ekstradua në Shtetet e Bashkuara në vitin 2017.
Ismael “Mayo” Zambada, bashkëthemeluesi i kartelit Sinaloa është një nga trafikantët më të kërkuar të drogës në Meksikë, i cili i ka shpëtuar drejtësisë për dekada.
Para kapjes së tij në El Paso, Teksas, 76-vjeçari nuk kishte qenë kurrë në burg.
Megjithë përpjekjet e tij për të mbajtur një profil të ulët, mbreti i pakapshëm ishte një objektiv kryesor i Administratës Amerikane të Zbatimit të Drogës.
Shtetet e Bashkuara kishin ofruar një shpërblim prej 15 milionë dollarësh për informacionin që çonte në arrestimin e z. Zambada, i akuzuar për trafik kokaine, heroine, metamfetamine dhe fentanili.
Shpërblimi gjithashtu tejkaloi 10 milionë dollarët e ofruara për Nemesio “El Mencho” Oseguera, kreun e kartelit rival Jalisko Nju Xhenëreshn (Jalisco New Generation).
Z. Zambada u arrestua së bashku me Zhoakuin (Joaquin) Guzman Lopez, djalin e themeluesit të kartelit Sinaloa, Joaquin “El Çapo” Guzman, i cili po vuan dënimin e përjetshëm në Shtetet e Bashkuara.
Ndryshe nga Zambada, El Çapo ishte arrestuar tre herë përpara se të ekstradohej në Shtetet e Bashkuara.
Sipas autoriteteve amerikane, Zambada, i lindur në kryeqytetin e shtetit Sinaloa, Kuliakan (Culiacan), ka qenë prej kohësh udhëheqës i një fraksioni të kartelit Sinaloa.
“Ai është i vetmi në llojin e tij në atë që e ka kaluar tërë jetën e tij të rritur si një trafikant i madh ndërkombëtar droge, por nuk ka kaluar kurrë një ditë në burg”, tha Departamenti i Shtetit i SHBA në 2021, duke vënë në dukje se pas arrestimit dhe ekstradimit të El Çapo (Chapo), Zambada u bë udhëheqësi i padiskutueshëm i Kartelit Sinaloa.
Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments