TIRANË | KOLEGJI I POSAÇËM I APELIMIT LA NË FUQI VENDIMIN PËR SHKARKIMIN NGA DETYRA TË ISH-PROKURORIT XHEVAHIR LITA; ISHTE ANËTAR I NJË BANDE KRIMINALE (DOSJA “METAMORFOZA”).

Z. Xhevahir Lita

Tiranë, Shqipëri | Kolegji i Posaçëm i Apelimit la në fuqi vendimin e KPK-së shkarkimin nga detyra të ish-Prokurorit Xhevahir Lita.

Njoftim | Trupi gjykues i Kolegjit të Posaçëm të Apelimit, i përbërë nga Albana Shtylla kryesuese, Sokol Çomo relator, Ina Rama, Mimoza Tasi, Rezarta Schuetz anëtare, shpalli vendimin për çështjen nr. 47/2024, datë 19.11.2024, që i përket ankimit të subjektit të rivlerësimit Xhevahir Lita kundër vendimit të Komisionit të Pavarur të Kualifikimit nr. 796, datë 04.09.2024.

Në përfundim të gjykimit në dhomë këshillimi, trupi gjykues, bazuar në nenin 66, pika 1, shkronja “a” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi:

Lënien në fuqi të vendimit nr. 796, datë 04.09.2024 të Komisionit të Pavarur të Kualifikimit, që i përket subjektit të rivlerësimit Xhevahir Lita.

Ky vendim është përfundimtar dhe ka efekt të menjëhershëm.

U shpall më datë 16.12.2025, në Tiranë, thuhet në njoftimin zyrtar.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit