TIRANË | GJYKATA E LARTË E REPUBLIKËS SË SHQIPËRISË: KRYETARI I ARRESTUAR DHE I PANDEHUR I BASHKISË SË TIRANËS ERION VELIAJ DUHET TË MBAHET NË BURG.

Tiranë, Shqipëri | Gjykata e Lartë e Republikës së Shqipërisë hodhi poshtë rekursin e Kryetarit të arrestuar të Bashkisë së Tiranës Erion Veliaj.

Ajo la në fuqi vendimin e Gjykatës së Apelit të Posaçëm, e cila ka shqiptuar ndaj tij masë sigurimi vetjake “arrest në burg”.

I pandehuri kërkoi që ndaj tij të shqiptohej një masë më e butë sigurimi.

Deklaratë | Kërkohet zëvendësimi i masës se sigurimit “Arrest ne burg”, parashikuar nga neni 238 i Kodit te Procedurës Penale, me një masë sigurimi më të butë si “Garanci pasurore” parashikuar nga neni 236 i Kodit të Procedurës Penale ose “Detyrim për tu paraqitur në policinë gjyqësore”, parashikuar nga neni 234 i Kodit te Procedurës Penale, thuhej në kërkesën proceduriale penale të të pandehurit.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit