___.png)
SHUMICA E VENDEVE ANËTARE TË BASHKIMIT EUROPIAN JANË DAKORD ME HEQJEN E MASAVE NDAJ REPUBLIKËS SË KOSOVËS.
- Agjencia Telegrafike Vox
- Apr 24, 2024
- 4 min read
Bruksel, Belgjikë | Bashkimi Europian i është afruar heqjes së masave kufizuese ndaj Republikës së Kosovës, të vendosura para një viti nga ana e Komisionit Europian, si pasojë e përshkallëzimit të situatës së sigurisë në veri të Kosovës.
Masat përfshinin: pezullimin e përkohshëm të grupeve punuese për Marrëveshjen e Stabilizim Asociimit, mosftesën e Kosovës në takime të nivelit të lartë dhe pezullimin e vizitave bilaterale, pezullimin nga programimi i fondeve për Kosovën, të cilat, ishin paraparë të dorëzoheshin përmes Kornizës së Investimeve në Ballkanin Perëndimor dhe IPA 2024 (Intrumentet e Para-Anëtarësimit).
Por, pas masave ndëshkuese, Republika e Kosovës mbeti jashtë granteve që BE-ja miratoi në korrik të vitit të kaluar, në vlerë prej 2.1 miliardë €.
Radio Evropa e Lirë nga disa burime diplomatike në BE mëson se shumica e madhe e vendeve anëtare janë në favor të heqjes së të gjitha masave, ndërsa një numër më i vogël i shteteve do që heqja e tyre të bëhet në mënyrë graduale.
Kundër heqjes së masave, sipas këtyre burimeve, nuk është shprehur asnjë vend anëtarë i BE-së.
Kjo përshtypje është vërejtur në diskutimin e fundit që është zhvilluar në BE të martën mbrëma për situatën aktuale në Kosovë.
