SHTETET E BASHKUARA TË MEKSIKËS: VEPRIME TË KOORDINUARA ME SHBA-ës NË LUFTËN KUNDËR TRAFIKUT TË DROGËS | DELEGECION MEKSIKAN I NIVELIT TË LARTË VIZITOI UASHINGTONIN.

Shtetet e Bashkuara të Meksikës | Meksika dhe Shtetet e Bashkuara kanë rënë dakord të ndërmarrin veprime të koordinuara kundër trafikut të drogës.

Qeveria meksikane e njoftoi këtë pas bisedimeve në Uashington midis Ministrit të Jashtëm Juan Ramón de la Fuente dhe sekretarit të Shtetit Marko (Marco) Rubio, ndërsa presidenti Tramp (Trump) kërcënoi se do të vendoste tarifa ndaj Meksikës duke filluar nga 4 marsi 2025.

“Këto veprime do të zbatohen në javët dhe muajt e ardhshëm, me qëllim forcimin e luftës kundër krimit të organizuar në të dy vendet, me objektivin qendror të reduktimit të vdekjeve për shkak të fentanilit dhe ndalimit të trafikut të paligjshëm të armëve amerikane”, njoftuan autoritetet meksikane, sipas entit mediatik “Infobae”.

Delegacioni meksikan i kryesuar nga ministri i Jashtëm, sekretari i Sigurisë, Omar Garsia Harfuk (García Harfuch) dhe prokurori i Përgjithshëm i Republikës, Alejandro Gertz Manero, i prezantoi sekretarit amerikan të Shtetit Rubio dhe sekretares amerikane të Drejtësisë, Pam Bondi, përparimin e arritur në konfiskimet, arrestimet dhe operacionet.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit