SHKELJET E LIRIVE FETARE PO RRITEN NË MBARË AMERIKËN LATINE.

Rio de Zhanerio, Brazil | “Liria fetare në Amerikën Latine pa një përkeqësim të ndjeshëm në vitet 2023-2024, me kufizime, sulme dhe presion në rritje mbi komunitetet dhe udhëheqësit fetarë”.

Kjo është sipas një raporti të ri nga fondacioni Ayuda a la Iglesia que Sufre (ACN).

Sipas raportit, midis viteve 2023 dhe 2024, të paktën 13 udhëheqës fetarë dhe 25 misionarë dhe laikë të angazhuar në punë baritore u vranë në rajon.

Dokumenti identifikon një situatë në përkeqësim, me Nikaraguanë e klasifikuar midis 24 vendeve me shkelje serioze dhe të përsëritura.

Regjimi i diktatorit marksist-leninsit Daniel Ortega akuzohet për një sulm sistematik kundër Kishës, me përjashtimin e peshkopëve, priftërinjve dhe misionarëve, revokimin e shtetësisë, mbylljen e institucioneve fetare dhe konfiskimin e pronës së kishës.

Lutja publike është kufizuar, procesionet janë anuluar dhe shumë udhëheqës fetarë janë detyruar të shkojnë në mërgim ose janë arrestuar.

Meksika, Kuba, Haiti dhe Venezuela janë të listuara si vende me diskriminim fetar.

Në Meksikë, kleri është i ekspozuar ndaj dhunës dhe zhvatjes nga krimi i organizuar.

Në Kubë, kontrollet shtetërore janë shtrënguar, me incidente mbikëqyrjeje, arrestimesh dhe vandalizmi kundër kishave.

Në Haiti, liria fetare është kompromentuar nga kolapsi institucional.

Në Venezuelë, presioni qeveritar, shfrytëzimi politik i besimit dhe retorika antisemite po shkaktojnë shqetësim midis komuniteteve fetare.

Bolivia, Kili, Kolumbia dhe Hondurasi janë të listuara si nën vëzhgim.

Studimi denoncon përdorimin e fesë nga bandat kriminale në Ekuador dhe Guatemalë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit