SHBA-ës DHE ARGJENTINA PO ZHVILLOJNË MANOVRA DEETARE NË ATLANTIKUN JUGOR.

Buenos Arises, Argjentinë | Marina argjentinase ka filluar manovra ushtarake në Atlantikun e Jugut përkrah forcave amerikane, të cilat, kanë vendosur aeroplanmbajtësen “Nimitz” dhe shkatërruesin “Gridley”.

Operacionet, të autorizuara me dekret nga Presidenti Javier Milei, do të vazhdojnë deri nesër në zonën ekskluzive ekonomike të vendit.

Ambasadori i SHBA-ës në Buenos Aires e ka ftuar kreun e shtetit të vizitojë aeroplanmbajtësen, por burime qeveritare specifikojnë se prania e tij nuk është pohuar ende.

Sesionet stërvitore janë pjesë e një programi të organizuar për të përkuar me kalimin tranzit të anijeve luftarake të huaja përgjatë bregdetit.

Qeveria ka lejuar gjithashtu hyrjen e trupave dhe pajisjeve amerikane për Operacionin e përbashkët “Atlantic Dagger”, i cili, filloi më 21 prill dhe është planifikuar të vazhdojë deri më 12 qershor në disa baza detare dhe ajrore argjentinase.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit