RUSI | 8 VETA U DËNUAN ME BURGIM TË PËRJETSHËM PËR SULMIN NË URËN E KRIMESË.

Moskë, Federata Ruse | “Një gjykatë në Rostov-on-Don, Rusi, ka dënuar tetë veta me burgim të përjetshëm për akuza terrorizmi në lidhje me sulmin në urën e Krimesë, i ndodhur më 8 tetor 2022, ku humbën jetën pesë persona”.

Kjo u raportua nga agjencia ruse e lajmeve “Ria Novosti”.

Sipas hetuesve, sulmi, i kryer me një kamion-bombë, u organizua nga shërbimi i inteligjencës ukrainase (SBU).

Dy ditë pas sulmit, forcat ruse filluan sulmet në infrastrukturën energjetike të Ukrainës, të cilat, vazhdojnë edhe sot e kësaj dite.

Të pandehurit u akuzuan për terrorizëm dhe për blerjen dhe transportimin e paligjshëm të pajisjeve shpërthyese.

Ura e Krimesë kalon nëpër Ngushticën e Kerçit, duke lidhur territorin rus me gadishullin e aneksuar nga Moska në vitin 2014.

Hetuesit rusë pretendojnë se sulmi u organizua nga z. Vasil Maliuk (Vasyl Malyuk), kreu i Shërbimit të Sigurisë së Ukrainës (SBU).

Pajisja me sa duket u zhvillua në Ukrainë, u transportua në Rusi dhe u vendos në një kamion, shoferi i të cilit nuk ishte në dijeni të planit.

Shoferi i kamionit dhe katër pasagjerët e një makine aty pranë u vranë në shpërthim.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit