RRUGA “LUAN HARADINAJ”; PRISHTINË | QYTETARËT TURQ MURAT DEMIRTEPE DHE IHSAN KILIÇ U ARRESTUAN; FALSIFIKIM DOKUMENTESH + PARASH + ARMË ZJARRI.

Rruga “Luan Haradinaj”, Prishtinë, Republika e Kosovës | Strukturat vendore të Policisë arrestuan:

1- Z. Murat Demirtepe.

2- Z. Ihsan Kiliç.

Ata konsiderohen subjekte të përfshirë në falsifikime dokumentesh në kuadër të një sipërmarrjeje tregtare të emërtuar “Anatolia Express”; qytetarëve turq u lëshoheshin dokumente false për leje të përkohshme qëndrimi në Republikën e Kosovës; në falsifikim parash.

Gjatë kontrollit u gjetën dhe u sekuestruan në cilësinë e provës materiale me karakter kompromentues penal:

1- Gjashtë (6) vula të ndryshme (përfshirë vula e Konsullatës së Republikës së Turqisë në Republikën e Kosovës).

2- Një armë zjarri e shkurtër (brezi).

3- Katër aparate telefonikë të lëvizshëm.

4- Dy kompjutera të lëvizshëm (lap-topë).

5- Dokumente të falsifikuara.

6- Sasi kartëmonedhash prej 50 € dhe prej 20 €.

7- Gjashtëqind e shtatëdhjetë e një (671) monedha metalike të falsifikuara dy euroshe me vlerë 1342 €.

Ndaj tyre filluan hetimet penale paraprake për shkelje penale të parashikuar si:

1- “Falsifikim i dokumenteve”.

2- “Falsifikim i parasë”.

3- “Mbajtje në pronësi, kontroll ose posedim të paautorizuar të armëve”.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit