REPUBLIKA FEDERATIVE E BRAZILIT | AUTORITETET SEKUESTRUAN 50 TONË HASHASH QË I PËRKASIN ORGANIZATËS KRIMINALE “COMANDO VERMELHO”.

Rio de Zhanerio, Republika Federative e Brazilit | Policia e Rio de Zhaneiros ka kryer një sekuestrim rekord prej gati 50 tonësh marihuanë, duke sekuestruar drogë me vlerë rreth 8 milionë euro nga organizatat kriminale të Rio de Zhaneiros.

Operacioni u zhvillua në favelën Mare, ku njësitë e qenve gjetën bunkerin e përdorur për të fshehur drogën.

Droga ishte ruajtur në një strukturë të improvizuar betoni të armuar të ngritur në papafingo të një fabrike të braktisur, një ndërtesë që nuk ngjallte dyshime nga jashtë.

Gjatë operacionit, u sekuestruan gjithashtu pesë pushkë dhe katër pistoleta, si dhe 26 automjete të vjedhura, duke përfshirë makina dhe motoçikleta.

Operacionet e rikuperimit angazhuan dhjetëra oficerë për afërsisht pesë orë dhe kërkuan përdorimin e disa kamionëve për të transportuar drogën.

Autoritetet kanë nisur hetime për të identifikuar personat përgjegjës dhe për të rindërtuar rrjetin logjistik të lidhur me ruajtjen dhe shpërndarjen e drogës.

Favela kontrollohet nga “Comando Vermelho”, organizata më e fuqishme kriminale në qytet.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit