PRESIDENTJA VON DER LEIEN (LEYEN): NDËRSA PAQJA PO AFROHET MOSKA PO SHTON SULMET AJRORE.

Bruksel, Mbretëria e Belgjikës | “Sa herë që afrohet paqja, përshkallëzimi dhe sulmet e reja vijnë nga Moska’ për Rusinë, Ukraina është vetëm një hap në një plan më të madh.

Për ne, bëhet fjalë për sigurimin e një strukture të fortë sigurie për një Evropë të fortë në tërësi, për një NATO të fortë”.

Kështu tha Presidentja e Komisionit Evropian Ursula von der Leien (Leyen), duke folur në seancën plenare të Strasburgut në lidhje me qëndrimin evropian mbi planin e paqes në Ukrainë.

“Një paqe e drejtë dhe e qëndrueshme është ajo që të gjithë duam, dhe kjo është arsyeja pse e mbështesim atë së bashku”, tha ajo.

Duke hapur fjalën e saj, Presidentja von der Leien (Leyen) i bëri homazhe Amelkës, një fëmije që vdiq në Ternopil.

“Ternopili, një qytet më afër Polonisë sesa Kievit, u bombardua nga dronë dhe shpërtheu një zjarr i madh.

Më shumë se 30 persona vdiqën, përfshirë gra dhe fëmijë si Amelka, një nxënëse e klasës së dytë, e cila, vdiq në krahët e nënës së saj.

Do të doja të filloja duke i bërë homazhe viktimave të Ternopilit dhe të gjithë Ukrainës”, tha ajo.

“Asgjë për Ukrainën pa Ukrainën, asgjë për Evropën pa Evropën, asgjë për NATO-n pa NATO-n”, Presidentja von der Leien (Leyen).

“Ka mijëra nëna dhe baballarë që presin fëmijët e tyre; Evropa do të bëjë gjithçka që kjo të ndodhë.

Tani kemi një pikënisje, një zë të vetëm.

Prioriteti ynë është që marrëveshja të garantojë një paqe të drejtë dhe të qëndrueshme; nuk mund të ketë kufizime për forcat e armatosura ukrainase: siguria e Ukrainës është siguria jonë”, tha Presidentja von der Leien (Leyen).

Prioriteti i dytë është garantimi i sovranitetit të Ukrainës.

“Kufijtë nuk mund të ndryshohen me forcë. Ne nuk mund ta lejojmë këtë. Prioriteti i tretë është të sigurohemi që Ukraina të mund të mbrojë veten dhe për këtë arsye të ketë mjetet e nevojshme financiare”, Presidentja von der Leien (Leyen).

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit