PRESIDENTI VOLODIMIR ZELENSKI PRANOI SFIDËN E PRESIDENTIT VLADIMIR PUTIN | DO TA PRES PUTININ NË TURQI TË ENJTEN; S'KA MË JUSTIFIKIME - THA AI.

Kiev, Ukrainë | Presidenti ukrainas Volodimir Zelenski pranoi sfidën e presidentit rus Vladimir Putin dhe i ngriti situatat në nivele të larta.

“Do ta pres personalisht Putinin në Turqi të enjten”, njoftoi ai, duke iu përgjigjur propozimit surprizë të bërë një natë më parë nga shefi i Kremlinit për negociata të drejtpërdrejta në Stamboll midis Moskës dhe Kievit nga 15 maji i vitit 2025.

Presidenti ukrainas pranoi kështu ftesën e presidentit amerikan Danlld Tramp (Donald Trump), i cili, u kërkoi ukrainasve të shkonin të shihnin “kartat” e Rusisë.

Megjithatë, ndryshimi në qëndrimet e Kievit dhe ShBA-ës ka të bëjë me mundësinë e fillimit të negociatave pa arritur më parë armëpushimin pa kushte 30-ditor të kërkuar dje nga ukrainasit dhe udhëheqësit e Vullnetit - Franca, Gjermania, Britania e Madhe dhe Polonia - gjatë një takimi në Ukrainë.

“Ne presim me padurim një armëpushim gjithëpërfshirës dhe të qëndrueshëm, duke filluar nga nesër, për të siguruar bazën e nevojshme për diplomaci”, shkroi presidenti ukrainas Volodimir Zelenski në rrjetin social virtrual Iks (X).

Ai më pas shtoi: “Shpresoj që këtë herë rusët të mos kërkojnë justifikime”.

Presidenti Tramp (Trump), duke shkruar në rrjetin e tij social virtual “Truth”, tha se ishte i bindur se Putini nuk dëshiron një armëpushim, por Ukraina, megjithatë, duhet ta pranojë menjëherë propozimin për takim në Turqi.

Në këtë mënyrë, tha ai, do të jetë e mundur të shihet nëse një marrëveshje është e mundur.

Dhe nëse nuk është kështu, udhëheqësit evropianë dhe Shtetet e Bashkuara do ta dinë se çfarë po ndodh dhe do të jenë në gjendje të vazhdojnë.

Një referencë për kërcënimin e sanksioneve të reja të nisura nga takimi në Kiev - gjatë të cilit pati një telefonatë me vetë presidentin Tramp (Trump) - nëse Moska nuk pranon pezullimin e luftimeve për 30 ditë.

Propozimi për negociata të drejtpërdrejta u vu në tryezë nga presidenti Putin në një takim me gazetarët në orën 2 të mëngjesit të dielën, pas përfundimit të disa takimeve me delegacionet që kishin mbërritur në Moskë për Paradën e Fitores.

Por mbi të gjitha pas kontakteve të ashpra diplomatike të Moskës me Ankaranë.

Reagimi fillestar i presidentit Tramp (Trump) ishte i kujdesshëm.

“ShBA-ës duan të vazhdojnë të punojnë me të dyja palët për t’i dhënë fund konfliktit”, shkroi presidenti në rrjetin social virtual “Truth”.

Por disa orë më vonë ai mori një qëndrim më të vendosur, duke e sulmuar edhe presidentin Putin.

“Po filloj të dyshoj - tha ai në postimin e tij të dytë - se Ukraina do të bëjë një marrëveshje me Putinin, i cili është shumë i zënë duke festuar fitoren e Luftës së Dytë Botërore, e cila nuk do të ishte fituar pa Shtetet e Bashkuara”.

Pengesa kryesore për negociatat e drejtpërdrejta, të cilat duhet të rifillojnë në Turqi si ato të vitit 2022 disa javë pas fillimit të konfliktit, janë qëndrimet e ndryshme mbi armëpushimin 30-ditor të rënë dakord në muajin mars midis Kievit dhe ShBA-ës në një takim në Xhedah.

Ultimatumi nga Kievi u refuzua nga presidenti Putini, i cili i quajti deklarata të ashpra.

Për Moskën, në fakt, armëpushimi është i mundur vetëm me kusht që gjatë 30 ditëve, furnizimet perëndimore me armë për Ukrainën të pezullohen gjithashtu, për ta parandaluar atë të përfitojë nga pauza për t'u riarmatosur.

Përndryshe, sipas presidentit rus, është e mundur të fillojnë negociata serioze edhe pa kushte, domethënë, pa një armëpushim në vend, me qëllim që të synohet eliminimi i shkaqeve rrënjësore të konfliktit dhe hapja e rrugës për një paqe të fortë afatgjatë.

Pjesërisht një përgjigje ndaj një apeli të nisur të mërkurën nga zv/presidenti amerikan JD Vens (Vance).

“Për ShBA-ës, ndoshta është e pamundur të ndërmjetësojë të gjitha këto pa të paktën disa negociata të drejtpërdrejta midis të dyjave, dhe kështu ne jemi të përqendruar në këtë”, tha nënpresidenti amerikan.

Për kancelarin gjerman Fridrish Merc (Friedrich Merz) dhe presidentin francez Emanuel Makron, hapi i presidentit Putin është një hap i parë, por jo i mjaftueshëm, në mungesë të një armëpushimi.

I pari që e vuri në dukje ishte presidenti Makron, sapo zbriti nga treni që e kishte kthyer nga Kievi në mëngjes herët në Poloni.

Presidenti turk Rexhep Tajip Erdogan - ndërmjetësi i caktuar - u përpoq të ndryshonte mendje në një bisedë telefonike, duke thënë se është arritur një pikë kthese historike në përpjekjet për t'i dhënë fund luftës dhe kjo mundësi duhet të shfrytëzohet.

“Presidenti turk Erdogan foli më pas me presidentin Putin, me të cilin, iniciativa e presidentit rus u diskutua në detaje”, raportoi Kremlini.

Ndërkohë, një takim ministror i formatit Weimar+ (Franca, Gjermania, Italia, Polonia, Spanja, Mbretëria e Bashkuar dhe Bashkimi Evropian) është planifikuar për nesër në Londër, gjatë të cilit - njoftoi Farnesina - do të bëhet një përditësim mbi përpjekjet diplomatike që po zhvillohen për të arritur një armëpushim dhe një marrëveshje për një paqe të drejtë.

Ministri italian i Jashtëm Antonio Tajani do të jetë i pranishëm dhe pritet të marrë pjesë edhe kreu i diplomacisë ukrainase, Andri Sibiha (Andrii Sybiha).

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit