PRESIDENTI MARKSIST-LENINIST ORTEGA I NIKARAGUAS MBYLLI 169 OJQ DUKE PËRFSHIRË “SAVE THE CHILDREN” | RRETH 80 KISHA DHE SHOQATA UNGJILLORE U NDALUAN GJITHASHTU.

Nikaragua | Qeveria e Nikaraguas e udhëhequr nga presidenti marksist-leninist Daniel Ortega ka vendosur të mbyllë 169 organizata joqeveritare, duke përfshirë “Save the Children Canada”, duke shënuar një goditje të re ndaj shoqërisë civile.

Sipas asaj që lexojmë në gazetën zyrtare të vendit të Amerikës Qendrore, përveç OJQ-së që merret me fëmijët, në mesin e subjekteve të tjera të mbyllura janë “Feed the Children Nikaragua”, dhe rreth 80 kisha dhe shoqata ungjillore.

Me këtë iniciativë, numri i përgjithshëm i OJQ-ve të mbyllura që nga viti 2018 rritet në pothuajse 5664, sipas numërimit të organizatave të Nikaraguas në mërgim.

Autoritetet e justifikuan masën me shkelje të ligjit dhe sipas legjislacionit aktual, asetet e këtyre organizatave do t’i kalojnë shtetit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit