PRESIDENTI BRAZILIAN LUIZ INACIO LULA DA SILVA BËRI THIRRJE PËR KRIJIMIN E NJË KËSHILLI PËR KLIMËN BRENDA OKB-së.

Rio de Zhanerio, Brazil | “Ecja përpara kërkon një qeverisje globale më të fortë për të siguruar që fjalët të përkthehen në veprime”.

Propozimi për të krijuar një Këshill për Klimën, të lidhur me Asamblenë e Përgjithshme të Kombeve të Bashkuara, është një mënyrë për t'i dhënë kësaj sfide rëndësinë politike që meriton.

Presidenti brazilian Luiz Inacio Lula da Silva e bëri këtë deklaratë, duke hapur konferencën COP30 në Belem.

“Po ecim në drejtimin e duhur, por me shpejtësinë e gabuar. Me ritmin aktual, po shkojmë drejt një rritjeje globale të temperaturës prej më shumë se 1.5 gradë Celsius. Tejkalimi i këtij pragu është një rrezik që nuk mund ta marrim përsipër”, tha Presidentiu Lula.

“Thirrja jonë për Veprim është e ndarë në tre pjesë.

Në të parën, u bëj thirrje vendeve të respektojnë angazhimet e tyre. Kjo do të thotë formulimin dhe zbatimin e kontributeve ambicioze të përcaktuara në nivel kombëtar; sigurimin e financimit, transferimit të teknologjisë dhe trajnimit për vendet në zhvillim; dhe kushtimin e vëmendjes së duhur përshtatjes ndaj efekteve të ndryshimeve klimatike.

Në pjesën e dytë, u bëj thirrje udhëheqësve botërorë të përshpejtojnë veprimet për klimën.

Nevojiten udhërrëfyes që njerëzimi të ecë përpara, në një mënyrë të drejtë dhe të planifikuar, duke kapërcyer varësinë nga lëndët djegëse fosile, duke ndaluar dhe përmbysur shpyllëzimin dhe duke mobilizuar burimet për këto qëllime.

Ecja përpara kërkon një qeverisje globale më të fortë, të aftë të sigurojë që fjalët të përkthehen në veprime.

Propozimi për të krijuar një Këshill Klimatik, të lidhur me Asamblenë e Përgjithshme të Kombeve të Bashkuara, është një mënyrë për t'i dhënë kësaj sfide rëndësinë politike që meriton.

Për pjesën e tretë, i bëj thirrje bashkësisë ndërkombëtare që t'i vendosë njerëzit në qendër të axhendës së klimës.

Ngrohja globale mund të shtyjë miliona njerëz në uri dhe varfëri, duke përmbysur dekada progresi.

Ndikimi joproporcional i ndryshimeve klimatike tek gratë, njerëzit me prejardhje afrikane, migrantët dhe grupet e cenueshme duhet të merret parasysh në politikat e përshtatjes.

Është thelbësore të njihet roli i territoreve indigjene dhe komuniteteve tradicionale në përpjekjet për zbutje.

Në Brazil, mbi 13% e territorit përbëhet nga zona të përcaktuara për popujt indigjenë. Kjo mund të jetë ende shumë pak”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit