PERU | ORGANI KOMBËTAR ZGJEDHOR CERTIFIKOI KEIKO FUXHIMORIN SI PRESIDENTE TË ZGJEDHUR.

Limë, Peru | Organi Kombëtar Zgjedhor i Perusë (JNE) i dorëzoi znj. Keiko Fuxhimori (Fujimori) kredencialet zyrtare të Presidentit të zgjedhur të Republikës për mandatin 2026-2031, duke përfunduar zyrtarisht procesin zgjedhor.

Ceremonia u zhvillua në Teatrin e Madh Kombëtar në Limë, ku morën pjesë Presidenti i JNE-së, Roberto Burneo, dhe anëtarë të organit.

Me paraqitjen e kredencialeve të saj, znj. Fuxhimori (Fujimori) është zyrtarisht presidente e zgjedhur, përpara ceremonisë së inaugurimit dhe transferimit të pushtetit, të planifikuar për më 28 korrik.

Ajo është udhëheqëse e partisë së krahut të djathtë “Fuerza Popular” dhe vajza e ish-presidentit Alberto Fuxhimori (Fujimori).

Ajo fitoi presidencën në përpjekjen e saj të katërt, pasi u mund në balotazhet e viteve 2011, 2016 dhe 2021, të gjitha të vendosura me diferencë shumë të ngushtë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit