PERU | KEIKO FUXHIMORI (FUJIMORI) U SHPALL PRESIDENTE; NUMËRIMI I VOTAVE PËRFUNDOI PAS 22 DITËSH; OPOZITA E MAJTË NË TENSION TË LARTË.

Limë, Peru | Zyra Kombëtare për Proceset Zgjedhore (ONPE) përfundoi numërimin e 100% të fletëvotimeve në zgjedhjet e balotazhit, duke konfirmuar fitoren e kandidates Keiko Fuxhimori (Fujimori), me moshë 51 vjeçe.

Tashmë ajo është presidentja e re e Perusë (pas 22 ditësh garë të tensionuar dhe të ngushtë).

Ajo është udhëheqëse e forcës politike “Fuerza Popular”.

Ajo është vajza e ish-presidentit Alberto Fuxhimori (Fujimori); ajo do të marrë kredencialet e saj më 15 korrik; do të marrë presidencën më 28 korrik.

Autoritetet zgjedhore hodhën poshtë të gjitha ankesat e paraqitura nga opozita.

Kandidati kryesor rival Roberto Sançez (Sánchez) humbi garën presidenciale me më pak se 50 mijë vota.

Ajo udhëheq një lëvizje të djathtë e cila quhet Fuxhimorismo.

Ideologjia e saj politike dhe e partisë së saj, Fuerza Popular, bazohet në këto shtylla:

1- Konservatore në shoqëri: Kundërshton abortin dhe martesat mes gjinisë së njëjtë.

2- Kapitaliste në ekonomi: Mbështet tregun e lirë, investimet e huaja dhe biznesin e privatizuar.

3- Dora e hekurit në siguri: Premton luftë të ashpër ndaj krimit duke ndërtuar burgje të sigurisë së lartë.

4- Populiste e djathtë: Kërkon mbështetjen e masave përmes premtimeve për rend, ligj dhe stabilitet ekonomik.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit