PERU | PRESIDENTJA E ZGJEDHUR KONSERVATORE KEIKO FUXHIMORI (FUJIMORI): PERUJA DUHET TË SHËROJË PLAGËT E SAJ; DO TË NIS PROCES PAJTIMI DHE BASHKIMI.

Limë, Peru | “Peruja duhet të shërojë plagët e saj dhe një nga përgjegjësitë e mia më të mëdha është të kërkoj një proces të thellë pajtimi dhe uniteti”.

Kështu tha presidentja e zgjedhur konservatore e Perusë, Keiko Fuxhimori (Fujimori), në bashkëbisedim me gazetarin kubanez Ismael Kala (Cala), duke pasur parasysh se 49.8% e votuesve votuan për kundërshtarin e saj politik, kandidatin e krahut të majtë Roberto Sançez (Sánchez).

Në intervistën e saj të parë që nga fitorja zgjedhore ajo tha se një tjetër sfidë për vendin do të jetë rivendosja e rendit dhe parandalimi i emergjencave si fenomeni El Nino, veçanërisht në bregdetin verior, me veprime të tilla si pastrimi i lumenjve dhe forcimi i urave.

Presidentja do të marrë detyrën më 28 korrik, për një mandat që do të zgjasë deri në vitin 2031.

Ndër sfidat kryesore me të cilat ai do të përballet është rritja e krimit në një vend që ka qenë veçanërisht i paqëndrueshëm politikisht, me tetë presidentë të ndryshëm në dekadën e fundit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit