PARAGUAI DHE SHBA-ës ARRITËN MARRËVESHJE MBI MINERALET KRITIKE.

Asuncion, Paraguaji | Paraguai i është bashkuar iniciativës së udhëhequr nga ShBA-ës për të forcuar zinxhirin e furnizimit me minerale kritike, të cilat, konsiderohen strategjike për teknologjitë e pastra dhe tranzicionin energjetik.

Marrëveshja u formalizua në Uashington me nënshkrimin e një memorandumi mirëkuptimi gjatë Takimit Ministror mbi Mineralet Kritike, ku mori pjesë Ministri i Jashtëm i Paraguait, Ruben Ramirez.

Marrëveshja u raportua nga mediat kryesore paraguaiane.

Sipas Ministrisë së Punëve të Jashtme në Asuncion, marrëveshja i angazhon Paraguain dhe Shtetet e Bashkuara të Amerikës të forcojnë bashkëpunimin për të siguruar furnizime të sigurta me minerale thelbësore për prodhimin e teknologjive të përparuara dhe sektorët e mbrojtjes, duke forcuar gjithashtu bazat e tyre përkatëse industriale.

Iniciativa është pjesë e strategjisë së ShBA-ës për të zvogëluar varësinë botërore nga Republika Popullore e Kinës në metale të rralla dhe lëndë të para strategjike.

Marrëveshje të ngjashme me Uashingtonin janë nënshkruar ditët e fundit nga Argjentina, Ekuadori dhe Peruja, si pjesë e një kuadri më të gjerë të bashkëpunimit rajonal mbi zhvillimin industrial, financimin dhe sigurinë e zinxhirëve strategjikë të furnizimit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit