PAPA PAGËZOI 16 FËMIJË GJATË MESHËS NË KAPELËN SISTINE.

Vatikan, Itali | Papa Françesku hyri në Kapelën Sistine, ku mëngjesin e djeshëm, në solemnitetin e Pagëzimit të Zotit, kryesoi meshën, në të cilën, administroi pagëzimin e 16 djemve dhe vajzave.

Fëmijët, kryesisht fëmijë ose të afërm të punonjësve të Vatikanit, u shoqëuan në Kapelën Sistine jo vetëm nga prindërit e tyre, por edhe nga çiftet përkatëse të kumbarëve dhe kumbarave.

Liturgjinë me Papën e festuan Kardinali Almoner Konrad Krajewski dhe Kardinali Fernando Vergez Alzaga, president i Guvernatorit të Vatikanit.

“Ne jemi këtu për të pagëzuar, për t'i dhënë dhuratën e besimit fëmijëve tanë. Dhe ata janë protagonistë në këtë ceremoni: mund të flasin, mund të bërtasin, të japin urdhra, sepse është festa e tyre dhe do të marrin më të bukurat dhurata, dhuratën e besimit, dhuratën e Zotit”, tha Papa Françesku, në predikimin e mbajtur gjatë meshës në Kapelën Sistine.

“Nëse qajnë - për momentin heshtin, por mjafton që njëri të japë notën dhe fillon koncerti - le të qajnë”, vazhdoi Papa.

“Nëse janë të uritur, jepuni gji, mos u shqetësoni këtu - deklaroi ai - nëse kanë të nxehta, hiquni rrobat, se ndonjëherë i dhemb vapa. Ata janë protagonistë, sepse, sot do të na japin edhe dëshminë e si pranohet besimi, me pafajësi, me zemër të hapur.”

“Dhe ju prindërve dhe kumbarëve - vazhdoi Papa Françesku - shpresoj që jeta juaj të jetë ndihmë për këta fëmijë, ndihmë për rritjen e tyre, dhe për t'i shoqëruar në rritjen e tyre, sepse, kjo është një mënyrë për të ndihmuar që besimi të rritet edhe tek ata. Faleminderit shumë për dëshminë tuaj, që i sollët ata këtu për të marrë besimin. Dhe tani ne vazhdojmë me ritin e Pagëzimit.”

Para se t'ju jap bekimin, ju falënderoj që e keni filluar këtë jetë të fëmijëve tuaj me pagëzim, dhe rekomandoj që ta dinë datën e pagëzimit, sepse, është data e lindjes.

“Mendoni mirë - vazhdoi ai - data e lindjes është si një ditëlindje, data në të cilën mora hirin e Zotit, u bëra i krishterë. Mësojini fëmijët tuaj këtë, ta festojnë çdo vit.”

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit