PAPA LEO XIV-të: FAMILJET JANË TË KËRCËNUARA NGA VARFËRIA DHE NGA LUFTA; ABUZIMI ME MË TË PREKSHMIT + MIGRIMI + MUNGESA E PUNËSIMIT JANË PROBLEME.

Vatikan | Sot, ekzistojnë kërcënime reale për dinjitetin e familjes, siç janë problemet që lidhen me varfërinë, mungesën e punësimit dhe aksesin në sistemet shëndetësore, abuzimin me më të prekshmit, migrimin dhe luftën.

Papa Leo XIV-të e bëri këtë deklaratë në audiencën e tij me pjesëmarrësit në Takimin Jubilear të sponsorizuar nga Këshilli Episkopal i Amerikës Latine dhe Karaibeve për të Ardhmen e Familjes.

Për Papën, institucionet publike dhe Kisha kanë përgjegjësi të kërkojnë mënyra për të nxitur dialogun dhe për të forcuar ato elementë në shoqëri që nxisin jetën familjare dhe edukimin e anëtarëve të saj.

“Familja është një dhuratë dhe një angazhim. Është thelbësore të promovohet bashkëpërgjegjësia dhe udhëheqja e familjeve në jetën shoqërore, politike dhe kulturore, duke promovuar kontributin e tyre të vlefshëm në bashkësi”, tha Papa Leo XIV-të.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit