NË AFËRDITË KA VULLKANE AKTIVE | ZBULOHEN RRJEDHAT E LLAVËS.

Uashington, Amerikë | Ka vullkane aktive në Venus, planetin motër të Tokës, sipërfaqja e të cilit është pothuajse e pamundur të vëzhgohet, sepse është e rrethuar nga një atmosferë shumë e dendur.

Aktiviteti vullkanik zbulohet nga gjurmët e fundit të rrjedhave të llavës të zbuluara nga kërkimi italian i udhëhequr nga Davide Sulkanese (Sulcanese), nga Universiteti i Peskarës (Pescara) dhe të botuara në revistën Nature Astronomy.

Rezultatet janë gjithashtu të dobishme për planifikimin e misioneve të ardhshme hapësinore drejtuar Venusit, si Veritas i NASA-s, i cili synon të marrë një hartë të sipërfaqes së planetit dhe Envision i ESA-s, i cili do të studiojë atmosferën e planetit.

“Nëse ata kishin të dhëna për aktivitetin e mundshëm në Venus, tani kemi siguri”, tha z. Xhuzepe (Giuseppe) Mitri i Universitetit të Anunxios (Annunzio), autor i studimit me z. Sulkanese (Sulcanese) dhe me z. Marko Mastroxhuzepe (Marco Mastrogiuseppe), nga Universiteti Sapienza i Romës.

Afërdita është një lloj binjake skëterre e Tokës, sepse, pavarësisht se ka masë dhe dimensione pothuajse identike me planetin tonë, ajo ka një atmosferë aq të dendur sa që ka temperatura shumë të larta në sipërfaqe, rreth 400 gradë dhe presione që arrijnë 90 atmosferë, si të jesh 1000 metra nën det.

Pikërisht atmosfera e saj e dendur e bën shumë të vështirë studimin e sipërfaqes së saj, sepse instrumentet nuk kanë gjasa t'i rezistojnë kushteve të tilla dhe shumica e analizave janë të mundshme vetëm duke përdorur radar, siç u bë nga misioni Magellan i NASA-s, i cili midis viteve 1990 dhe 1994 hartoi planetin me një radar.

“Falë interesit të ripërtërirë, në funksion të misioneve të ardhshme, dhe përmirësimeve të mëdha teknologjike në përpunimin e të dhënave – tha z. Sulkaneze (Sulcanese) – ne ishim në gjendje të krahasonim pamjet e marra midis dy periudhave, duke zbuluar praninë në dy rajone të disa rrjedhave të lavës që ndodhi në atë kalim kohe.”

Kjo është dëshmia më e qartë e aktivitetit në planet, e cila, i shton zbulimit të bërë rreth një vit më parë të deformimeve në një krater, shenjë e një shpërthimi të mundshëm.

“Duke studiuar Afërditën - shtoi z. Mitri - ne gjithashtu mund të kuptojmë shumë për planetin tonë, sepse na ndihmon, për shembull, të kuptojmë pse, pavarësisht se janë kaq të ngjashëm dhe janë formuar në të njëjtin mjedis, më pas kanë evoluar kaq ndryshe.”

Studime që do të ndihmojnë gjithashtu në zhvillimin e instrumenteve të reja që do të jenë në bordin e misioneve Veritas dhe Envision.

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit

Want to read more?

Subscribe to 007vox.com to keep reading this exclusive post.

Subscribe Now