NJË AVION RUS PASAGJERËSH U RRËZUA PRANË MOSKËS: MEDIAT E KONTROLLUARA NGA SHTETI RAPORTOJNË PËR 3 TË VDEKUR.

Moskë, Federata Ruse | Një aeroplan rus pasagjerësh është rrëzuar në një pyll afër Moskës duke vrarë të tre anëtarët e ekuipazhit në bord, raportuan mediat ruse të kontrolluara nga shteti më 12 korrik 2024.

Superjet 100 i projektuar në vend ishte në një fluturim provë pasi iu nënshtrua mirëmbajtjes së planifikuar dhe u rrëzua pak më shumë se një orë pas nisjes, sipas agjencisë së lajmeve TASS.

Agjencia e lajmeve RIA tha se fatkeqësia ndodhi në një zonë pyjore të rrethit Kolomenski (Kolomensky), rreth 60 kilometra në juglindje të Moskës.

“Sipas informacionit paraprak, tre pilotë që gjendeshin në bord u vranë”, thanë shërbimet e urgjencës në komentet e cituara nga TASS.

Një hetim penal paraprak ka nisur për shkakun e rrëzimit.

Superjet 100 është përfshirë në një numër përplasjesh të tjera fatale që nga prezantimi në vitin 2011.

Në vitin 2019, një avion shpërtheu në flakë gjatë një ulje emergjente në aeroportin Sheremetjevo (Sheremetyevo) të Moskës, duke vrarë 41 persona.

Në maj 2012, një tjetër fluturoi në një vullkan të fjetur në Indonezi, duke vrarë të 45 personat që gjendeshin në bord.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit