___.png)
Londër, Britani e Madhe | Rreshje të mëdha shiua goditën Britaninë e MAdhe dhe shkakton kaos udhëtimesh me përmbytje të rënda në Londër dhe qytete të tjera të mëdha të vendit.
Alarm portokalli për miliona banorë.
Një paralajmërim portokalli i motit është në fuqi për miliona njerëz në Angli, pasi në disa zona pritet të bjerë shi me vlerë të paktën një muaji.
Sinoptikanët paralajmërojnë rrufe, përmbytje të mundshme, kushte të vështira drejtimi dhe kaos në transportin publik.
Reshjet e përhapura në të gjithë Britaninë po shkaktojnë përmbytje, të cilat nga ana tjetër po shkaktojnë ndërprerje të mëdha të udhëtimit dhe mbyllje të shkollave.
Shumica e Anglisë dhe Uellsit janë nën një paralajmërim të verdhë moti nga Zyra Met, ndërsa një zonë qendrore e Anglisë nga West Country deri në Hull në bregun lindor është nën një paralajmërim portokalli.
Udhëtarët u përballën me lëvizje kaotike pasi ranë më shumë se 60 mm shi në zonat përreth Londrës.
Katër nga linjat e nëndheshme të kryeqytetit u mbyllën pjesërisht për shkak të përmbytjeve këtë mëngjes - Bakerloo, District, Metropolitan dhe Piccadilly - përveç Overground.
Mijëra prindër po përpiqeshin të gjenin kujdesin për fëmijët pasi shkollat u mbyllën për shkak të përmbytjeve në pjesë të Oxfordshire, Bedfordshire, Warwickshire dhe Hertfordshire.
Met Office aktivizoi një paralajmërim portokalli për pjesë të Anglisë qendrore dhe jugperëndimore deri në orën 21:00 (me orën lokale) mes shqetësimeve se rrugët e përmbytura mund të ndërpresin disa komunitete.
Një paralajmërim më i gjerë i verdhë është në fuqi për sot, duke mbuluar pjesë të Uellsit, pjesën më të madhe të Anglisë jugore, Midlands dhe Anglinë Veriperëndimore dhe Yorkshire.
Disa zona të prekura mund të shohin deri në 120 mm shi gjatë ditës dhe sinoptikanët paralajmëruan se mund të lëshohen më shumë paralajmërime.
Agjencia e Mjedisit lëshoi 76 paralajmërime të mundshme për përmbytje dhe 13 paralajmërime të pritshme për përmbytje - me tre në Londër në South Ruislip, Beckenham dhe Merton ku shtëpitë dhe bizneset mund të përmbyten.
Ndeshja e kampionatit të së nesërmes mes Newcastle dhe Wimbledon është shtyrë për shkak të përmbytjeve të mëdha rreth fushës së futbollit në jugperëndim të Londrës, me ndërprerje të mundshme të energjisë elektrike që pritet të prekin shtëpitë dhe bizneset.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments