NIKARAGUA | ASAMBLEJA KOMBËTARE MIRATOI REFORMË KUSHTETUESE KUNDËR LIGJEVE TË HUAJA.

Managua, Nikaragua | Asambleja Kombëtare e Nikaraguasë miratoi një reformë kushtetuese, të promovuar nga qeveria e diktatorit marksist-leninist Daniel Ortega, që ndalon zbatimin e ligjeve të huaja në territorin kombëtar.

Amendamenti, i cili shton një paragraf të ri në Nenin 12 të Kushtetutës, përcakton se asnjë ligj, rregullore apo rezolutë ndërkombëtare nuk do të ketë fuqi ligjore në vend, përveç traktateve të nënshkruara dhe të ratifikuara drejtpërdrejt nga qeveria.

“Në Nikaraguanë tonë, asnjë legjislacion i huaj që kërkon të imponohet mbi vullnetin e popullit tonë nuk ka ndonjë efekt ligjor”, u tha në një deklaratë qeveritare të lëshuar në 48-vjetorin e operacionit kundër diktaturës së Somozës.

Vendimi vjen pasi Organizata e Shteteve Amerikane (OAS) miratoi një rezolutë për të thirrur një takim urgjent të ministrave të jashtëm, data e të cilit nuk është caktuar ende.

Takimi do të shërbejë për të analizuar situatën në vend pas kërcënimeve të diktatorit Ortega për anulimin e zgjedhjeve.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit