NGA SOT REPUBLIKA E KOSOVËS DREJT TË QENIT ANËTARE E KËSHILLIT TË EUROPËS.

Strasburg, Francë | Asambleja Parlamentare votoi pro (me shumicë votash) që Republika e Kosovës të avancojë edhe më tej drejt anëtarësimit në Këshillin e Europës.

Asambleja i hodhi poshtë amandamentet e propozuara nga Republika e Serbisë.

Më herët gjatë ditës, Komiteti për Çështje Politike dhe Demokraci në Këshillin e Europës i ka hedhur poshtë disa amandamente tjera që u propozuan nga delegacioni serb dhe disa deputetë italianë e një hungarez që themelimi i Asociacionit të komunave me shumicë serbe të bëhet kusht për anëtarësimin e Kosovës në Këshillin e Europës.

Ndërsa dje në Komitetin për Çështje Ligjore dhe të Drejta të Njeriut në Këshillin e Europës u votua unanimisht pro aplikimit të Kosovës për anëtarësim.

Kosova bëri një hap drejt anëtarësimit në Këshillin e Europës më 27 mars 2024.

Me gjithë votën kundër të Serbisë dhe dy vendeve të tjera, Komiteti për Politikë dhe Demokraci i Këshillit të Europës miratoi raportin e raportueses për Republikën e Kosovës, znj. Dora Bakojanis.

Raporti rekomandon se vendi i ka plotësuar kushtet për t’u anëtarësuar plotësisht në Këshillin e Europës.

Akti administrativ dhe politik përfundimtar për anëtarësimin e Republikës së Kosovës do të jepet nga Këshilli i Ministrave, i Këshillit të Europës, në muajin maj të vitit 2024.

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit

Want to read more?

Subscribe to 007vox.com to keep reading this exclusive post.

Subscribe Now