ME RASTIN E 28 NËNTORIT SEKRETARI AMERIKAN I SHTETIT MARKO (MARCO) RUBIO U KËRKOI AUTORITETEVE SHQIPTARE TË LUFTOJNË AGJENTURËN E KRIMIT ORDINER TË PËRFSHIRË NË TRAFIQE DROGE.

Tiranë, Shqipëri | “Shtetet e Bashkuara dhe Shqipëria gëzojnë një partneritet të fortë, të ndërtuar mbi angazhimin e përbashkët për një të ardhme më të sigurt e të begatë.

Aleanca jonë në NATO është themeli i mbrojtjes sonë reciproke dhe ne e mirëpresim investimin e shtuar të Shqipërisë për sigurinë tonë të përbashkët.

Gjithashtu, partneriteti ynë me forcat ligjzbatuese shqiptare i bën qytetarët tanë më të sigurt teksa ne përballemi me kërcënimet që paraqiten prej grupeve kriminale ndërkombëtare, karteleve të trafikut të drogës, si dhe atyre që bashkëpunojnë me ta.

Ne gjithashtu e vlerësojmë bashkëpunimin e ngushtë në adresimin e kërcënimeve kibernetike, si dhe përgëzojmë Shqipërinë për hapat e saj domethënës në sigurinë kibernetike.

Teksa shënojmë këtë ditë të veçantë, ne presim të zgjerojmë bashkëpunimin tonë në fushën e sigurisë, lidhjet ekonomike dhe miqësinë e qëndrueshme me Shqipërinë”.

Kështu tha Sekretari amerikan i Shtetit Marko (Marco) Rubio me rastin e Ditës së Pavarësisë së Shqipërisë.

Ky mesazh u botua në faqen zyrtare të Ambasadës së ShBA-ës në Tiranë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit