MBRETËRIA E NORVEGJISË | INSTITUTI NORVEGJEZ I NOBELIT (DET NORSKE NOBELINSTITUTT) NJOFTOI SE VEPRIMTARJA POLITIKE MARIA KORINA MAKADO (MARIA CORINA MACHADO) FITOI ÇMIMIN NOBEL PËR PAQEN.

Oslo, Mbretëria e Norvegjisë | Çmimi Nobel për Paqen i është dhënë veprimtares venezueliane Maria Korina Makado (Corina Machado).

Instituti Norvegjez i Nobelit (Det Norske Nobelinstitutt) njoftoi çmimin gjatë ceremonisë në Oslo të Norvegjisë.

“Çmimi i shkon një kampioneje të guximshme dhe të përkushtuar të paqes, një gruaje që e mban flakën e demokracisë ndezur mes errësirës në rritje”.

Kjo u deklarua nga Komiteti i Nobelit në njoftimin e tij për dhënien e çmimit znj. Korina Makado (Corina Machado).

“Makado (Machado) do të marrë Çmimin Nobel për Paqen për punën e saj të palodhur në promovimin e të drejtave demokratike të popullit venezuelian dhe për luftën e saj për të arritur një tranzicion të drejtë dhe paqësor nga diktatura në demokraci”, deklaroi komiteti në njoftimin e tij.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit