UDHËHEQËSJA E OPOZITËS MARIA KORINA MAKADO (CORINA MACHADO): NË VENEZUELË QEVERISIN KARTELET E DROGËS; QEVERIA E DIKATATORIT ÇAVISTO-KOMUNIST NIKOLAS MADURO KA ALEANCË ME HEZBOLLAHUN DHE ME IRANIN.

Karakas, Venezuelë | Disa orë para zgjedhjeve rajonale, parlamentare dhe legjislative në Venezuelë, dhe pas arrestimit të bashkëpunëtorit të saj të ngushtë Juan Pablo Guanipa, udhëheqësja e opozitës María Korina Makado (Corina Machado), e intervistuar nga enti mediatik “Infobae”, e përshkroi incidentin si një akt terrorizmi shtetëror.

Aktivistja theksoi rolin e Shteteve të Bashkuara dhe aktorëve të tjerë ndërkombëtarë në përballjen me strukturën kriminale të regjimit të diktatorit çavisto-komunist Nikolas Maduro, e cila, e vë në rrezik sigurinë e hemisferës.

Udhëheqësja e opozitës Makado (Machado) tha se rrjedha e drogës, aleanca me aktorë të tillë si Irani dhe Hezbollahu dhe përdorimi i migracionit si mjet destabilizimi janë pjesë e një strategjie të qëllimshme të diktaturës.

“Qeveria e Maduros - tha ajo - nuk është një qeveri që bën aleancë me kartelet, por kartelet janë ato që qeverisin”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit