MBRETËRIA E HOLANDËS | POLICIA E EVROPËS SË BASHKUAR (EUROPOL) ARRESTOI 1024 SUBJEKTE TË PËRFSHIRË NË TRAFIQE TË QENIEVE NJERËZORE.

Hagë, Mbretëria e Holandës | Në funksion të luftës institucionale ndaj Agjenturës së Krimit Ordiner strukturat përgjegjëse të Policisë së Evropës së Bashkuar (Europol; e njohur formalisht si Agjencia e Bashkimit Evropian për Bashkëpunim në Zbatimin e Ligjit) në bashkëpunim me ekipet e Frontex-it, Interpol-it dhe autoritetet vendore të 59 shteteve arrestuan:

1- Njëmijë e njëzet e katër (1024) subjekte të përfshirë në trafiqe të qenieve njerëzore.

Nga ata:

1- 334 u arrestuan për trafikim qeniesh njerëzore.

2- 690 u arrestuan për krime të tjera.

U identifikuan dymijë e shtatëdhjetë (2070) viktima të mundshme trafiqesh, 162 prej të cilave të mitura.

Operacioni ishte i koduar “Global Chain”.

Në operacion morën pjesë mbi dyzet mijë (40000) subjekte policore nga 59 vende të ndryshme, si dhe forca të rendit, roje kufitare, inspektorate pune dhe autoritete tatimore dhe doganore.

Operacioni u përqendrua në trafikimin e qenieve njerëzore për qëllime shfrytëzimi seksual, kriminalitetin e detyruar dhe lypjen e detyruar, me theks të veçantë te viktimat e mitura.

Vendi kryesor i operacionit ishte Austria, me ndihmën e Rumanisë në koordinim, ndërsa veprimet u koordinuan nga 8 deri më 12 qershor.

Shumica dërrmuese e viktimave janë gra dhe të rritur, me 64.2% të trafikuara për shfrytëzim seksual (20.9% krim i detyruar, 11.3% punë e detyruar, 1.5% lypje e detyruar, 2.1% forma të tjera).

Përqindja e viktimave të mitura të trafikuara për shfrytëzim seksual është edhe më e lartë, në 86.4% (6.2% punë e detyruar, 3% lypje e detyruar, afërsisht 0.6% aktivitet kriminal i detyruar si vjedhja e çantave, 3.8% forma të tjera).

Në shumë nga këto raste, mbrojtja e viktimave mund të jetë e vështirë, pasi ato shpesh shfrytëzohen nga anëtarët e familjes së tyre.

Viktima të mundshme u raportuan nga 45 vende të ndryshme, ku shumica vinin nga Kolumbia, Argjentina, Venezuela, Nepali dhe Moldavia.

Shumë prej viktimave ishin trafikuar përtej kufijve, madje edhe në kontinente të tjera, duke demonstruar natyrën globale të skemave të trafikimit të qenieve njerëzore.

Në total, autoritetet që morën pjesë kontrolluan:

1- 565470 subjekte.

2- 360317 dokumente identiteti.

3- 140737 automjete.

4- 20342 lokacione.

5- 6133 fluturime dhe anije.

Për të përmirësuar më tej bashkëpunimin ndërkufitar dhe ndërkontinental, operacioni u zgjerua globalisht nëpërmjet krijimit të dy qendrave koordinuese.

Një qendër koordinimi u krijua në Shkup, Maqedonia e Veriut, duke mbuluar vendet pjesëmarrëse në Evropë, Azi dhe Afrikë.

Një e dytë u krijua nga Ameripol në Rio de Janeiro, Brazil, për të koordinuar aktivitetet në Amerikë.

Europol-i vendosi ekspertë në luftën kundër trafikimit të qenieve njerëzore në të dy qendrat e koordinimit, duke lidhur aktivitetet operative midis kontinenteve dhe duke koordinuar veprime të njëkohshme kundër rrjeteve të krimit të organizuar të përfshira në këto aktivitete.

Çdo vend pjesëmarrës kreu operacione të synuara në juridiksionet e tij dhe shkëmbeu në mënyrë efektive informacion përmes qendrave të koordinimit të ngritura në Shkup dhe Rio de Janeiro.

Kjo qasje e integruar, transnacionale dhe ndëragjenciale ishte thelbësore për shpërbërjen me sukses të rrjeteve kriminale dhe identifikimin e viktimave.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit