SHTETET E BASHKUARA TË MEKSIKËS | PRESIDENTJA KLAUDIA (CLAUDIA) SHEINBAUM: PEMEX-i SYNON 1.8 MILION FUÇI NË DITË ME PETROBRAS-in.

Qyteti i Meksikos, Shtetet e Bashkuara të Meksikës | “Kompania meksikane e naftës Pemex synon të arrijë prodhimin prej 1.8 milion fuçish në ditë, falë edhe bashkëpunimit të saj me Petrobras-in e Brazilit në kërkimin e depozitave të reja”.

Kështu njoftoi presidentja Klaudia (Claudia) Sheinbaum, duke shpjeguar se grupi brazilian do të ofrojë mbështetje teknologjike, veçanërisht në eksplorimin e ujërave të thella.

Fusha e naftës Cantarell, dikur fusha kryesore e naftës e Meksikës, është gjithashtu qendrore në strategji, ku qeveria po vlerëson mundësinë e zbulimit të burimeve të reja në shtresa më të thella.

Presidentja Sheinbaum kritikoi shfrytëzimin intensiv të së kaluarës, duke argumentuar se kjo ka përshpejtuar rënien e fushës dhe përsëriti se përparësia e politikës energjetike do të jetë konsumi vendas, me naftën e destinuar kryesisht për rafineritë kombëtare.

Bashkëpunimi me Petrobras-in është pjesë e planit për të forcuar kapacitetin eksplorues të Pemex-it dhe për të rritur prodhimin e karburantit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit