MBRETËRIA E BASHKUAR | MBRETI KARL (CHARLES) III KRYESOI PËRKUJTIMET PËR USHTARËT BRITANIKË TË RËNË NË FRONTET E LUFTËRAVE.

Londër, Mbretëria e Bashkuar | Mbreti Karl (Charles) III, i shoqëruar nga djali i tij, Princi Uilliam (William), vendosi sot një kurorë me lulekuqe gjatë ceremonisë tradicionale në Kenotaf (Cenotaph), memoriali i Londrës për ushtarët, në prani të Mbretëreshës Kamila (Camilla) dhe Princeshës Keit (Kate).

Monarku 76-vjeçar, i veshur me uniformë ushtarake si djali i tij, kishte mbajtur më parë dy minuta heshtje në kujtim të ushtarëve të rënë në betejë.

Rreth 10 mijë veteranë morën pjesë në ceremoni, përfshirë rreth 20 që shërbyen në Luftën e Dytë Botërore, 80 vjet pas përfundimit të konfliktit.

Kryeministri Keër Starmër (Keir Starmer) dhe udhëheqës të tjerë politikë vendosën gjithashtu kurora me lulekuqe, lulet që simbolizojnë ushtarët e rënë dhe që mbahen nga shumë britanikë në nëntor.

Tetë ish-kryeministra britanikë ishin gjithashtu të pranishëm.

Mbretëresha Kamila (Camilla) dhe Princesha Keit (Kate), të veshura me të zeza, ndoqën ceremoninë e së Dielës së Përkujtimit nga një ballkon i Ministrisë së Jashtme përballë memorialit, së bashku me anëtarë të tjerë të familjes mbretërore.

Siç ka ndodhur për disa vite, ish-Princi Endrju (Andrew) mungonte.

I lënë mënjanë që nga viti 2019 për shkak të lidhjeve të tij me ndërmjetësin amerikan të pedofilëve Xhefri (Jeffrey) Epstein, vëllait të mbretit iu hoqën së fundmi të gjithë titujt e tij, përfshirë ai i Princit, dhe u urdhërua të lironte rezidencën e tij luksoze Roiëll LOxh (Royal Lodge) në pronën Uindsor (Windsor) pas zbulimeve të reja në këtë rast.

Gjithashtu mungonte Princi Herri (Harry), i cili, u nda nga familja mbretërore dhe u zhvendos në Shtetet e Bashkuara me gruan e tij, Meghan, në vitin 2020.

Djali më i vogël i Mbretit Karl (Charles) III lëshoi ​​një deklaratë këtë javë duke shprehur krenarinë e tij që kishte shërbyer në forcat e armatosura të vendit të tij dhe duke i bërë homazh të përzemërt identitetit britanik.

Dje, Princi Xhorxh (George) 12-vjeçar mori pjesë në një shërbim përkujtimor për ushtarët e rënë në Sallën Mbretërore Albert të Londrës për herë të parë, i shoqëruar nga nëna e tij Kethrina (Catherine), gjyshi i tij Mbreti Karl (Charles) III dhe Mbretëresha Kamila (Camilla).

Publiku u ngrit në këmbë kur një bandë filloi të luante ndërsa mbërriti familja mbretërore, e cila, zuri vendet e saj në sallën e famshme të koncerteve.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit