MAMURRAS: U ARRESTUA ERMAL LLOZHI | MBËSHTETUR MBI TË DHËNAT PENALE TË MBLEDHURA NË RRUGË AGJENTURORE POLICIA E SHTETIT I KONTROLLOI BANESËN KU GJETI NJË ARMË ZJARRI.

Mamurras, Shqipëri | Strukturat vendore të Policisë së Shtetit arrestuan:

1- Z. Ermal Llozhi, me moshë 36 vjeç.

Njoftim | Finalizohet operacioni policor i koduar “Information”.

Si rezultat i administrimit të menjëhershëm të informacioneve të siguruara nga inteligjenca policore u godit një tjetër rast i armëmbajtjes pa leje.

Në pranga është vënë 36-vjeçari E. Ll., që mbante armën dhe municionin luftarak në banesën e tij, në Mamurras.

Arma e zjarrit do t’i nënshtrohet ekspertizës së mëtejshme në Institutin e Policisë Shkencore për të përcaktuar nëse është përdorur në ndonjë ngjarje kriminale të mëparshme.

Materialet procedurale i kaluan Prokurorisë së Juridiksionit të Përgjithshëm Lezhë për veprime të mëtejshme, për veprën penale “Mbajtja pa leje dhe prodhimi i armëve, armëve shpërthyese dhe i municionit”, thuhet në njoftimin e Policisë Shtetit.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit