LUIGJI XVI ISHTE MBRETI I FUNDIT ABSOLUT I FRANCËS | GJATË REVOLUCIONIT,AI SHIHEJ NGA TË GJITHË SI SIMBOLI I ANCIEN RÉGIME QË DUHEJ PËRMBYSUR.

Paris, Francë | Luigji XVI ishte mbreti i fundit absolut i Francës. Gjatë Revolucionit, ai shihej nga të gjithë si simboli i Ancien Régime që duhej përmbysur.

Ai nuk kishte lindur për të sunduar dhe ishte shumë i ndrojtur. Ai shpesh i linte ministrat të merrnin vendime për të.

Nën mbretërimin e tij, problemet sociale u përkeqësuan deri në pikën kulmore, të shënuara nga Sulmi i Bastijës në 1789.

Më 10 gusht 1792, Asambleja Kombëtare e hoqi atë nga froni.

Tre ditë më vonë, Luigji XVI, gruaja e tij Marie Antoinette dhe fëmijët e tyre u arrestuan dhe u çuan në Kullën e Tempullit.

Të gjithë e dinin se diçka serioze do t'i ndodhte familjes mbretërore.

Edhe pa titullin, Luigji XVI mbeti një simbol i fuqishëm për ata që donin të rivendosnin monarkinë. Kështu, pas disa muajsh, u vendos që ai të nxirrej në gjyq.

Gjyqi filloi në dhjetor 1792, por ishte e qartë se nuk do të ishte një gjyq normal. Deri pak më parë, Luigji ishte konsideruar i vajosuri i Zotit.

Gjatë gjyqit, kishte dy grupe: njëri donte të shmangte dënimin me vdekje, tjetri, i udhëhequr nga Robespieri, donte t'i jepte fund përgjithmonë epokës së mbretërve me ekzekutimin e tij.

Qëndrimi i dytë mbizotëroi.

Më 23 janar 1793, një Mbret Luigji, i veshur me të bardha dhe që mbante librin e psalmeve, u drejtua me hapa të çaluar drejt gijotinës.

Ai ishte 38 vjeç, por burgimi e kishte dobësuar shumë. Brenda pak çastesh jeta e tij mori fund dhe bashkë me të shkoi edhe pushteti i kurorës franceze.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit