LIBAN | PRESIDENTI JOZEF AUN (JOSEPH AOUN): DO TË HEDHIM POSHTË ÇDO MARRËVESHJE POSHTËRUESE ME IZRAELIN; TA ÇOSH VENDIN NË LUFTË PËR INTERESA TË HUAJA ËSHTË TRADHTI (NËNKUPTOI HEZBOLLAHUN).

Bejrut, Liban | Presidenti libanez Jozef Aun (Joseph Aoun) tha se do të refuzojë çdo marrëveshje poshtëruese me Izraelin në fund të negociatave.

Presidenti Aun (Aoun) deklaroi se negociatat e drejtpërdrejta me Izraelin synojnë t'i japin fund konfliktit me Hezbollahun, ndërsa akuzoi ata që e futën Libanin në luftë për tradhti, një qortim i nënkuptuar ndaj grupit të armatosur të mbështetur nga Irani.

“Qëllimi im është t'i jap fund gjendjes së luftës me Izraelin, e ngjashme me armëpushimin e vitit 1949.

Ju siguroj se nuk do të pajtohem me një marrëveshje poshtëruese.

Ata që na futën në luftë në Liban tani na mbajnë përgjegjës sepse vendosëm të fillojmë negociatat …

Ajo që po bëjmë nuk është tradhti.

Përkundrazi, tradhtia kryhet nga ata që e futin vendin e tyre në luftë për të ndjekur interesa të huaja”.

Kështu tha Presidenti Aun (Aoun).

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit