KUITO | KREU I BANDËS KRIMINALE LOS KONEROS (CHONEROS) HOZE (JOSÉ) ADOLFO MAKIAS (MACÍAS) VILLAMAR I NJOHUR SI “FITO” U EKSTRADUA NË SHBA-ës | E PRET BURGU I PËRJETSHËM.

Kuito, Ekuador | Presidenti ekuadorian Daniel Noboa festoi ekstradimin në Shtetet e Bashkuara të z. Hoze (José) Adolfo Makias (Macías) Villamar, i njohur si “Fito”, bosi i bandës kriminale Los Koneros (Choneros).

Dorëzimi i trafikantit më të madh të drogës në Ekuador te drejtësia amerikane, i cili ,u zhvillua dje në një fluturim të posaçëm të Departamentit të Drejtësisë të ShBA-ës me destinacion Jorkun e Ri, u theksua nga udhëheqësi konservator si një hap vendimtar në ofensivën e tij kundër krimit të organizuar.

“Nuk do të shihemi më kurrë, ‘Fito’”, shkroi Presidenti Daniel Noboa në llogaritë e tij në mediat sociale virtuale pak minuta pasi u konfirmua mbërritja e të ndaluarit në aeroportin Mek’Orthër (MacArthur) në Long Island.

Në të njëjtin postim, kreu i shtetit ia atribuoi ekstradimin vullnetit popullor të shprehur në referendumin e prillit 2023, në të cilin, ekuadorasit votuan për të hequr ndalimin kushtetues që pengon dorëzimin e bashkatdhetarëve të kërkuar nga gjykatat e huaja.

“Falë njerëzve që thanë po në votime, ky ekstradim është bërë i mundur”, tha Presidenti Noboa.

Ekstradimi i “Fito” vjen tre javë pas kapjes së tij në Manta, ku u gjet në një bunker nëntokësor.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit