KUBË | MINISTRI I JASHTËM BRUNO RODRIGUEZ: NUK KA PËRPARIM NË BISEDIMET ME SHBA-ës.

Havanë, Kubë | “Ne mbetemi të hapur për dialog, por për momentin nuk ka përparim në bisedimet midis qeverive të Kubës dhe Shteteve të Bashkuara”.

Kështu tha ministri i Jashtëm Bruno Rodriguez në një konferencë për shtyp, ku njoftoi kërkesën për një seancë të posaçme të Asamblesë së Përgjithshme të Kombeve të Bashkuara më 7 korrik për të diskutuar efektet e bllokadës së vendosur nga Shtetet e Bashkuara të Amerikës ndaj Havanës, sipas pikës 38 të rendit të ditës, të titulluar “Domosdoshmëria e përfundimit të bllokadës ekonomike, tregtare dhe financiare të vendosur nga Shtetet e Bashkuara kundër Kubës”.

“Kuba do të denoncojë veprimet agresive të Shteteve të Bashkuara kundër kombit të Karaibeve, duke përsëritur se Kuba nuk përbën kërcënim, ndërsa bllokada e naftës me të vërtetë përbën një kërcënim për jetën dhe mirëqenien e çdo kubani, si dhe për zhvillimin dhe të ardhmen e vendit.

Kuba është një komb që e do paqen dhe dialogun, dhe ne besojmë fuqimisht në multilateralizmin dhe rolin qendror të Kombeve të Bashkuara”, tha ministri Rodriguez.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit