KUBË | PRESIDENTI MIGUEL DIAZ-KANEL (CANEL): REFORMAT NUK DO TA NDRYSHOJNË MODELIN POLITIK (SOCIALIST).

Havanë, Kubë | “Aleanca e armiqve të Revolucionit është qartë e dukshme në sulmin ndaj këtij procesi, duke u përpjekur të promovojë propozime neoliberale dhe duke kërkuar ndryshime në modelin politik të Kubës që nuk do të përfshihen kurrë në planin për transformimin ekonomik dhe social që kemi ndërmarrë”.

Kështu tha presidenti Miguel Diaz-Kanel (Canel), gjatë mbylljes së Kongresit të 22-të të Federatës së Punëtorëve Kubanë.

Paketa e miratuar së fundmi prej 176 masash përfshin hapjen e vendit për bankat private, tërheqjen e kapitalit nga diaspora dhe uljen graduale të subvencioneve.

Eventi sindikal mblodhi së bashku 759 delegatë, 561 prej të cilëve ishin të lidhur nëpërmjet videokonferencës për shkak të emergjencës energjetike të vendit.

Në seanca u diskutua Kodi i ri i Punës, i cili do të votohet në muajin korrik.

Ndryshimet përfshijnë punësimin e jashtëzakonshëm të adoleshentëve midis moshës 15 dhe 18 vjeç, punën e dyfishtë dhe turne të reduktuara me pagë proporcionale.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit