___.png)
KREU I PROKURORISË KUNDËR KORRUPSIONIT DHE KRIMIT TË ORGANIZUAR ALTIN DUMANI PËRGËNJESHTROI ILIR METËN.
- Agjencia Telegrafike Vox
- Apr 16, 2024
- 2 min read
Tiranë, Shqipëri | Kreu i Prokurorisë Kundër Korrupsionit dhe Krimit të Organizuar (SPAK) Altin Dumani në lidhje me deklarat që lëshoi z. Ilir Meta nga një studio televizive tha: “Unë nuk e kam takuar kurrë MekGonigalin (McGonigal). Gjithçka është thënë në media, është në vazhdën e akuzave të vazhdueshme, te pabaza që bëhen për institucion që unë drejtoj. Nuk ka pasur asnjë arsye për të takuar MekGonigalin (McGonigal), as nuk e kam njohur kurrë dhe emrin ia kam dëgjuar pas publikimeve ne mediat shqiptare.”
Z. Ilir Meta, në deklarimet e tij televizive tha: “Hetimi i SPAK-ut tarallakut ka nisur në dhjetor të 2019, me prokuror Altin Dumanin, që bën si i fortë dhe mburret se do merret me Ilir Metën dhe se ka mbështetjen e amerikanëve.
SPAK ka nisur hetim në dhjetor 2019 për CEZ. Sipas të dhënave të mia, pas takimeve të Dumanit me MekGonigalin (McGonigal) e Edi Ramës.
Dhe pse ka nisur në 2019 për një çështje të mbyllur?
Ka nisur që Meta nuk lejonte të pushtohej Gjykata Kushtetuese nga banda e Ramës, që të mos kishte asnjë mendim pakice dhe të asgjësohej drejtësia
Ma sillni këtu Altin Dumanin. Do të frenojë Ilir Metën të sjellë pluralizmin.
E duke kapur ndonjë laraskë lart e poshtë po tenton të marrë Partinë e Lirisë.
I duhet Edi Ramës të marrë peng Partinë e Lirisë, siç mori peng Partinë Demokratike dhe vulën.
Ma sill këtu Altin Dumanin ta shohin shqiptarët. E akuzoj për veprimtari politike të qëllimtë.
Ky person nuk ka kurajo t’i vërë Ramës hekurat për inceneratorët. Nuk ka kurajo t’ia vërë Veliajt hekurat.
U jep pyetje gazetarëve të vetë që është Meta andej e këtej. Nuk kam asgjë për të më hetuar. Kam qenë zyrtari më korrekt i këtij shteti.”
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
